Ruaille-Buaille (a pronunciar “rula-bula”), xurdeu no ano 2005, quando uns antigos companheiros de andainas musicais dam em se juntar novamente para voltar a pasá-lo bem nas sessions de música folque nas que se conheceram hai tempo. Máis, tras assentar o seu repertório e ajeitá-lo, passam das sessions aos cenários, percorrendo a Península Ibérica de Norte a Sul e de Leste a Oeste coa sua música.

Froito da primeira etapa do grupo foi a gravaçom no ano 2009 do trabalho /´ru:lә `bu:lә/ (pronounced "rula-bula"), editado e distribuido por Several Records. Este disco reflecta o espirito que animou à banda nos seus começos: música cumha clarissima e praticamente exclusiva raigume irlandesa e de marcado carácter acústico, pois essa era a classe de música e o contexto onde se conheceram os componhentes iniciais, e cum repertório no que as peças compostas polo grupo som obra exclusiva do vocalista Duncan Bennett.

Nembargantes, o tempo e o trabalho em comum permitiu ao grupo, baseando-se na longa experiéncia e bagage musical de cada um dos seus membros, criar e definir o seu próprio estilo, ao que contribuirom tanto os trocos na formaçom e instrumentaçom sofridos, como a búsqueda sem acougo doutras fontes de inspiraçom.

Froito dessa evoluçom é o segundo trábalo de Ruaille-Buaille, Blue Jig (2011), no que se aprécia de jeito claro o novo rumo que colheu a banda.

Efectivamente, nom só se passou do quinteto inicial ao sexteto actual, senom que se foi evoluçonando dum plantexamento acústico, cumha tímida base rítmica e sem percussom, a um plantexamento onde a base rítmica tem um maior protagonismo a partires da incorporaçom do baixo eléctrico e a batería respectivamente.

Por outra banda, o repertório actual tem umha maior preséncia de peças de própria composiçom, e de melodías inspiradas noutras fontes, bem do folque (basco, galego, balcánico, country,…), bem doutros estilos (blues, ska,…), en detrimento da omnipresencia do folclor irlandês dos começos, assi como se trabalha cumhas estructuras moito máis ricas e complejas.

No tocante à laboura compositiva, se bem é claro o predomínio dos temas compostos por Duncan, vam aparecendo temas doutros membros do grupo, e se fai latente o pouso da tarefa colectiva nos arranjos dos mesmos.

E esse trabalho comum é graças a boa sintonia entre os componhentes do grupo; sintonia que se pode apreciar tamem no cenário, onde o bom humor e naturalidade dos músicos fam partícipe à audiéncia do ambiente cordial e desenfadado daquelas sessions que, a pesares do tempo que passou, nom perderom.

Olhar discografia